Та өөрийн ОРДЫН СЭТГЭЛ БУЛААМ бусдыг ДУРЛУУЛДАГ зан чанарыг сонирхоорой

Ордуудын зурхай таны зан чанар, зуршил болоод сайн, муу талуудыг чинь тун тодорхой хэлж өгдөг билээ. Заримдаа ч таны мэдээгүй зүйлийг ч хэлэх нь бий. Харин өнөөдөр танд нэг өвөрмөц зурхайг хүргэж байна. Ордуудын ямар занд нь дурладаг болохыг та мэдмээр байна уу?
Хонины ордын хүсэл, тэмүүлэлтэй зан чанарт нь дурладаг

Хонины ордынхонтой хамт амьдарч эхэлсэн бол таны амьдрал хэзээ ч урьдынх шигээ байхгүй. Бусдаас хараат бус, гэнэтийн шийдвэр гаргадаг хонины ордынхон амьдрал тогтмол хөдөлгөөнд байхыг шаарддаг. Зөвхөн мөнхийн хөдөлгөөнд оршиж байж тэд амар амгаланг олдог.

Хонины ордынхонтой амьдарч эхлэхээс өмнө тэдний амьдралыг хэмнэлийг тэсвэрлэж чадах уу гэдгээ сайтар бодоорой. Тийм биш бол асуудал үүсэх нигууртай.

Хонины ордынхны хүсэл тэмүүлэлтэй, ойворгон зан бусдыг ихээр татдаг. Тэд хэнийг ч болов хүсэл, зорилгынх нь боол болгож чаддаг. Амьдралын эрч хүч, хүсэл тэмүүлэлгүй байсан хүмүүс хонины ордынхонтой уулзсаныхаа дараа эрч хүчээр дүүрч, амьдралын зорилгыг олж авдаг нь хонины ордынхонд дурлах том шалтгаан болдог байна.

Үхрийн ордын амжилтад хүрдэг занд дурладаг

Амьдралаас юу хүсдэгээ мэддэг, хүссэн зүйлдээ яаж хүрэхээ мэддэг хүн бусдын сэтгэлийг татахгүй байж чадна гэж үү?

Хүмүүс үхрийн ордынхны уйгагүй зан, ямар ч салбарт амжилт олж, лидер болж чадах занд нь дурладаг. Гэвч ямар ч амжилтад хүрч, өндөрлөгт хүрсэн бай үхрийн ордынхон даруухан, заримдаа бүр өөртөө итгэлгүй байдаг.

Үхрийн ордынхонтой байхад та найдвартай гарт байна гэсэн үг. Энэ хүмүүс өөрийгөө болоод ойр дотнынхоо хүмүүсийг эрхлүүлж чаддаг бөгөөд сайхан эд зүйлс, сайхан адал явдлаар өөрсдийгөө хүрээлүүлдэг. Өөрөөр хэлбэл мөнгө олж ч чаддаг түүнийгээ үрж ч чаддаг хүмүүс. Мөн үхрийн ордынхны буурь суурьтай, хичээнгүй нямбай зан нь бусад хүмүүсийн сэтгэлийг татдаг.

Ихрийн ордын ухаалаг занд дурладаг

Хэрэв танд ямар ч тохиолдолд бэлэн хэлэх үгтэй хүн хэрэгтэй бол ихрийн ордынхон яг тохирно. Тэдний мөрөөдөлдөө автан, бодол болон дуугүй суух төрх, эсвэл яриандаа халаад зогсолтгүй ярих аль байдал нь үнэхээр сэтгэл татам байдаг.

Ихрийн ордынхон ярих төрөлхийн авьяастай хүмүүс. Гэхдээ тэд хов живээр хөөцөлддөггүй. Тэд амьдралд ухаарал хайрласан, сэтгэл сэргээсэн түүхийг уран яруунаар нүдэнд харагдаж, гарт баригдтал ярьж чаддаг.
Ихрийн ордынхны салхи мэт хуйсагнуур зан нь тэднийг баригдашгүй, хүсэмжит нууц амраг болгодог. Тэд гэнэтийн шийдвэр гаргадаг бөгөөд хоромхон зуур болоод өнгөрөх амьдралаас аль болох таашаал авч амьдрахаа мэддэг. Тэдний амьдрал үнэхээр сайхан, бас хөгжилтэй түүх юм.

Мэлхийн ордын тааварлашгүй занд нь дурладаг

Мэлхийн ордынхныг “Тааварлашгүй зантай гэдгийг тааварлаж болно” гэж тодорхойлох байх.
Тэдний ямар авир гаргах, юу хүлээж болохыг та хэзээ ч мэдэхгүй. Энэ ордод төрсөн хүмүүс бусдаас хараат бус, бага зэрэг хатуу авиртай, онцгой нэгэн хувь хүмүүс байдаг. Бусад хүмүүс мэлхийн ордынхны энэ “зэрлэгдүү” занд нь сэтгэл татагддаг.

Мэлхийн ордынхон хэнээс ч хамааралгүй, чөлөөтэй сэтгэгчид боловч шийдэмгий бус байдал нь тэдний сул тал юм. Тэд хайртай, эсвэл хайртай байсан хүмүүсээ тавьж явуулж чаддаггүй.

Арслангийн ордын сэтгэл булаам занд дурладаг

Арслан бол бааранд танд дөхөж ирээд уух зүйлээр дайлахыг санал болгох өөртөө итгэлтэй нэгэн. Хэрвээ та арслангийн ордынхонтой өмнө учирч байгаагүй бол тэд зөвхөн танд ч биш бусад хүмүүст ч мөн дур булаам харагддаг гэдгийг санаарай. Иймд хардалт таны амьдралыг үргэлж дагах болно.

Арслангийн ордынхон эрч хүч, дулааныг цацруулж байдаг. Тэд яг л байгалийн соронз гэсэн үг. Иймдээ ч тэд бусадтай маш амархан танилцдаг байх. Үүн дээр тэдний хэт бие тоосон занг нэмэх хэрэгтэй. Арслангийн ордынхон үргэлж анхаарлын дунд байхыг хүсдэг тул тэрхүү анхаарлыг олж авахын тулд юу ч хийхээс буцахгүй. Арсланг анхааран халамжилж, хэрэгтэй зүйлийг нь өгч чадвал тэр танд хүсэл тачаал, хайр дурлалаар хариу барих болно.

Охины ордын хурц ухаанд дурладаг

Охины ордынхон маш сайн сэтгэл зүйчид байдаг. Найз нөхдийнхөө дундаас хамгийн ухаантайг нь олоод ир гэвэл охины ордынх л байх болов уу. Ухаан шаардсан ямар ч төвөгтэй асуудлыг шийдвэрлэж чадна. Тэдний мэдлэг хүрээ ямар өргөн, гүн гүнзгий болохыг гайхаад баршгүй. Ямар ч хүнд асуудлыг ханцуй шамлан барьж авах бөгөөд гомдоллож хойш суухыг мэдэхгүй.

Охины ордод төрсөн хүмүүс шаргуу, зөрүүд бөгөөд бусдын нөлөөллөөс айдаггүй. Тэд маш үнэнч, хайртай хүнийхээ төлөө тэмцэж чаддаг нь бусдыг сэтгэлийг татдаг.

Жинлүүрийн ордын мэдрэмтгий занд дурладаг

Хэрвээ таныг сэтгэл зүрхнийхээ гүнд хүртэл ойлгох хүн хайж байвал жинлүүрийн ордынхон яг тохирно.
Тэд маш мэдрэмтгий. Тэгээд ч таныг бүрэн ойлгохын тулд тэд цаг хайрлахгүй. Жинлүүрийн ордынхонтой байхад тэднээс нууцлах нууц гэж байхгүй болох тул зарим хүнд энэ нь тийм ч тааламжтай санагддаггүй.

Тэд маш анхааралтайгаас гадна шаргуу тул тэднийг ямар нэг зүйл нууна гэдэг бүтэшгүй зүйл. Гэвч тэд танд зөвхөн туслахын тулд хэл амыг чинь сугалчих гээд асууж шалгаадаг гэдгийг ойлгоорой. Хүнд хэцүү цагт тусалж дэмжихэд бэлэн байдаг зан нь бусдын сэтгэлийг татдаг.

Хилэнцийн ордын нууцлаг занд дурладаг

Хилэнцийн ордынхны “харанхуй” тал нь хүмүүсийн сэтгэлийг хамгийн ихээр татдаг. Таныг мэдэж ч амжаагүй байхад хилэнц дур булаам зангийнхаа гал дөлд шатааж орхих байх. Магадгүй танд уналт, өгсөлттэй, солонгос кино шиг амаргүй харилцаа таалагддаг бол хилэнцийн ордынхон яг тохирно.

Хутганы ирэн дээр явах мэт амьдрал олон хүмүүсийн сэтгэлийг татдаг. Яахав хүн болгон ийм амьдралыг хүлээж авахдаа бэлэн биш байдаг байх. Хилэнцийн ордынхон өөрийн хүч, нууцлаг байдал, гэнэтийн бэлэг барих чадвар, зан авирын нэг туйлаас нөгөө рүү хормын дотор шилжин, жинхэнэ далайн шуурга мэт зан гаргадгаараа бусад ордуудаас өвөрмөц.

Хэрвээ та хилэнцийнхэнтэй амьдраад сурчихсан бол бусад хүмүүс танд хэт уйтгартай, бүүдгэр мэт санагдах байхаа.

Нумын ордын сайхан сэтгэлд дурладаг

Нумын ордынхон сайхан сэтгэлтэй, зөөлөн зан ааштай хүмүүс. Тэд ямар ч хүнд сайхан сэтгэлээр хандаж чаддаг. Бусад нь түүнд итгэхэд маш дуртай байдаг. Гэхдээ тэдний нэг том сул тал нь тэд амьдралдаа үргэлж ямар нэг зүйлийг баталж байхыг хүсдэг. Бусдад баталж, харуулж байвал амьдрал нь утга учиртай байх болно гэдэгт нумынхан итгэдэг. Тийм болохоор нумын ордынхонтой хамт амьдарвал чимээгүй, амар амгалан гэж юу болохыг бараг мартана гэсэн үг.

Матрын ордны тайван занд дурладаг

Матрын ордынхон амьдралын төгс хань. Тэд хэзээ ч хэрүүл тэмцэл хийж, сандарч, арга тасран бууж өгдөггүй. Тэд орилж, хашгирч хэрүүл хийхгүй боловч зөв гэж бодсон зүйл дээрээ хатуу зогсож чаддаг. Тэд хүн болгонд нээгддэггүй нь тэднийг бүрэг, даруу мэт харагдуулдаг. Гэвч тэдний итгэлийг нэгэнт олж авч, дотносож чадвал матрын ордынхон ямар халамжтай, тачаангуй болохоо харуулдаг.

Матрын ордынхон хүнд муу санадаггүй боловч тэднийг голд нь ортол гомдоосон бол таныг муу зүйл хийсэндээ харамстал хариуг нь хатуухан барих болно.

Бумбын ордын шударга занд дурладаг

Бумбын ордынхон хиймэл, хийрхүү зан гаргаж, өөр дүрд орж жүжиглэдэггүй. Тэд хүмүүсийг худлаа магтаж чаддаггүй бөгөөд юу бодож байгаагаа шууд л хэлж орхино. “Цагаан, цайлган зантай” гэдэг үг тэдэнд яг тохирно.

Бусдаас онцгой гэмээр шударга зантайд нь бумбын ордынхонд бусад хүмүүс татагддаг. Хэрвээ бумбын ордынхон танд тусалж байвал тэд үнэхээр л таныг хайрлаж, хүндэлж явдаг юм байна гэдгийг ойлгоорой!

Загасны ордын уян хатанд занд дурладаг

Загасны ордынхон урьдчилан төлөвлөөгүй үдэшлэг, эсвэл аялалд оролцохоос хэзээ ч татгалзахгүй. Сэтгэлээр унах сэргэх нь хурдан. Бага зэрэг гэнэн. Эдгээр зан хүмүүсийн сэтгэлийн ихээр татдаг. Гэхдээ гэнэн гэдгийг нь амьдрал үзээгүй гэж ойлгож болохгүй ээ. Тэд амьдралын хар ухаан сайтайгаас гадна тэдний ашиг сонирхлыг зөрчиж буй нэгнийг гэнэдүүлэн яаж ч дайрахаас сийхгүй.

Загасны ордынхонтой амьдарна гэдэг маш сайхан боломж. Тэд гэр бүлийнхээ төлөө зүтгэдэг. Гэвч амьдралаа “ажил-гэр” гэсэн уйтгартай тойрогт оруулахгүй байхаа сайн мэднэ. Тэднээс итгэмээргүй, галзуу шийдвэрүүд үе үе гаргадаг. Загасын ордынхныг дагасан байхад та хэзээ ч уйдахгүй.

Ордууд ямар сул талтай вэ? /Зурхай/

Хүн болгон өөр өөрийн гэсэн үзэл бодолтой байхаас гадна, төрөлхийн болон цаг хугацааны эрхээр өөртөө бий болгож авсан зан чанаруудтай байдаг билээ. Тэгвэл 12 ордны хүмүүс чухам ямар сөрөг зан чанартай байдаг юм бол? Хамтдаа асуултын хариултыг мэдэж авцгаая. Мөн та өөрийнхийгөө мэдэж авсны дараа бага багаар засах гэж хичээгээрэй.

  1. Хонь – Тэвчээргүй, зөрүүд

Тэдний амьдралын хэв маяг хурдан хэмнэл дунд өрнөдөг. Нэг ёсондоо цаг нартай уралдан амьдардаг гэж хэлж болох юм. Үүнээсээ болж эрхэм чухал хүмүүстээ анхаарал халамж тавихаа умартаж, тэднийгээ гомдоох нь бий. Түүнчлэн хонины ордныхон төрөлхийн тэвчээр муутай хүмүүс бөгөөд заримдаа өөрийнхөөрөө зөрүүдлэж, бусдыг үл ойшоодог.

  1. Үхэр – Материаллаг зүйлсэд дуртай

Үхэрнүүд амьдралынхаа туршид хичээнгүйлэн зүтгэж, сайн сайхан амьдралыг цогцлоохыг зорьдог. Гэвч тэд материаллаг зүйлсэд татагдах хандлагатай байдаг нь нууц биш юм. Энэ нь бусдад эд баялагт дуртай, мөнгийг чухалчилдаг нэгэн болгож харагдуулдаг ажээ.

  1. Ихэр – Ухаалга мэт жүжиглэх, хөнгөн хуумгай

Ихрүүд төрөлхийн оюуны чадамж өндөртэй хүмүүс хэдий ч, заримдаа бусдыг хэтэрхий дорд үзэж байгаа мэт аашилдаг нь олон хүмүүсийн дургүйцлийг хүргэдэг байна. Түүнчлэн тэд чухал асуудлуудад хөнгөн хуумгай хандаж, амьдралд алдах нь бий.

  1. Мэлхий – Өөрийгөө юм болгонд зөвтгөдөг

Тэд хэтэрхий зөрүүд хүмүүс биш ч гэлээ, өөрийгөө бусдаас үргэлж дээгүүрт тавьдаг. Энэ нь тэдний өөрийгөө бүхнийг чадагч, мэдэгч хэмээн боддог хувийн үзэл бодолтой нь салшгүй холбоотой юм. Сэтгэл хөдлөл өндөртэй учраас заримдаа бодлогогүй алхам хийж, буруудах тохиолдол ч бий.

  1. Арслан – Шүүмжлүүлэх дургүй

Тэд бол төрөлхийн төгс төгөлдөр рүү тэмүүлж байдаг хүмүүс юм. Тийм болоод ч тэр үү, бусдаар шүүмжлүүлж, алдаа дутаглаа үнэлүүлж, дүгнүүлэх дуртай байдаггүй. Хийсэн үйлдэл, хэлсэн үгэндээ ямар ч нөхцөлд эзэн нь байж чаддаг хэдий ч, бусдын шүүмжийг хүлээж авдаггүйгээсээ болоод заримдаа ганцаардах үе тэдэнд элбэг тохиолддог.

  1. Охин – Яриасаг, шүүмжлэх дуртай

Охины ордныхон өөрсдөө төгс төгөлдөр нэгэн биш атлаа, бусдыг хэт их шүүмжилж, гоочилдог сөрөг талтай. Заримдаа тэд юу хийж байгаа болон хийх ёстойгоо ялгаж, салгахаа байдаг бөгөөд энэ нь тэднийг эрсдэлд оруулж, хожим харамсахад хүргэдэг.

  1. Жинлүүр – Худалч

Жинлүүрүүд оюун ухааны хөгжил сайтай, өглөгч хүмүүс билээ. Гэвч тэдний хамгийн дутагдалтай зан чанар нь заримдаа үл ялиг худлаа ярих гэнэ. Үүнээсээ болж, найз нөхдөөсөө хөндийрч, бусдын итгэлийг амархан алддаг ажээ.

  1. Хилэнц – Түрэмгий, залхмаар

Амархан уурладаг учраас тэдний эргэн тойронд байгаа хүмүүс бага зэрэг айдастай байдаг нь нууц биш юм. Заримдаа тэд юунаас болж уурлаад байгаагаа ч өөрсдөөсөө мэддэггүй бөгөөд ууртай үедээ бодлогогүй үйлдэл хийх нь бий.

  1. Нум – Хүйтэн хөндий

Нумын ордныхон өөрсдөө ч мэдэлгүй бусдын сэтгэл рүү ус цацаж, гомдоодог бөгөөд энэ нь тэдний аливаа зүйлд төдийлөн ач холбогдол өгдөггүйтэй холбоотой ажээ. Үүнээс болж хайртай, дотны хүмүүсийнхээ сэтгэлд юм хийж, эргээд уучлалт гуйх шаардлагатай болдог байна.

  1. Матар – Гутранги, эрх танхил

Тэд юм л болбол өөртөө гутарч, өөрийгөө өөрчлөхийг юу юунаас илүү хүсдэг бөгөөд ингэснээр өөртөө болон өрөөл бусдад төвөг уддаг болохоо төдийлөн сайн мэддэггүй. Мөн хэтэрхий эрх танхил учраас бусдад амархан баярлаж, амархан гомддог ажээ.

  1. Хумх – Нууцлаг, ууртай

Хумхын ордныхон бол хэзээ ч утгыг нь ойлгож, уншиж чадахгүй нууцлаг утгатай ном л гэсэн үг. Тэдний юу бодож, санаж байгааг таахын аргагүй бөгөөд дотогшоо хүмүүс юм. Түүнээс гадна, огцом ууртай бөгөөд энэ үед нь тайван байлгах хэрэгтэй. Эс бөгөөс тэд өөрийн мэдэлгүй эргэн тойрон дахь хүнийхээ сэтгэлийг эмзэглүүлэх үгс хэлэх нь бий.

  1. Загас – Өөрийгөө бусдаас дээгүүр үнэлдэг, зориггүй

Загаснууд дотор хүнтэйгээ цаг ямагт зөрчилдөж байдаг бөгөөд үүнээсээ болоод тогтсон нэг шийдвэрт хүрэхгүй байх тохиолдол олон байхаас гадна, зориггүй хүмүүс юм. Түүнчлэн ертөнцийг үзэх үзэл нь бусад ордынхонтой харьцуулахад өөр байдаг учраас өөрийгөө хэт их дөвийлгөдөг байна.

No Comments Yet

Comments are closed