Энгийн сода ашиглан илүүдэл жингээсээ салах арга

Олон эмэгтэйчүүд илүүдэл жинтэй нүүр тулгардаг. Энэ сэдэв хэзээ ч хуучрахгүй байх. Хүн болгон гоо сайхан харагдахыг хүсэх энэ цагт элдэв янзын арга туршиж үзсээр л…

Та бүхэндээ богино хугацаанд жингээ хасах аргыг танилцуулах гэж байна. Турахын тулд өдөржингөө спорт зааланд гүйж дуртай хоолноосоо татгалзах хэрэг байхгүй. Эрүүл хүнс хэрэглээд л хүнсний сод нэмэхэд хангалттай. Энэ аргыг удаан хугацаанд хэрэглэхээс татгалзана, гэхдээ богино хугацаанд дуртай даашинздаа багтах хэрэгтэй болсон бол үнэхээр аминд орох арга болно.

Тураах үйлчилгээтэй содтой ундаа

1. Нимбэгийн шүүстэй сод

300 мл ус дээр 0,5 ц.х сод хийж бүрэн уустал нь хутгана. Дээрээс нь тал нимбэгийн шүүс нэмээд сайтар хутгаарай.

Энэ ундаа зөвхөн илүүдэл жингээс салгаад зогсохгүй эрч хүчээр сэлбэж таныг сэргэлэн цовоо байлгана. Хоол идсэний дараа эсвэл спортоор хичээллэсний дараа ууна.

 

2. Алимны уксустай сод

0,5 ц.х содыг 2 х.х алимны уксустай холино. Стакан усанд уусмалаа хутгаад өлөн дээрээ ууна.

 

3. Жимсгэнэтэй сод

Блендерт 1 стакан гүзээлзгэнэ, 1 навч шинэ гаа, 2 нимбэгийн шүүс, 2 стакан ус, 0,5 ц.х сод хийгээд сайтар хутгана. Ундааг 2 хувааж нэг өдөрт ууж дуусгана.

Сэтгэлээ зовоохгүйгээр турж байгаарай. Илүү их үр дүнд хүрэхийн тулд их хөдлөх хэрэгтэйг мартаж болохгүй. Мөн амттан, гурилан боовноос татгалзахыг хичээ. Энэ хэрэгтэй нийтлэлийг найз нөхөдтэйгөө хуваалцаарай.

 

Хүсээгүй жирэмслэлтээс болж бүсгүйчүүд эрүүл мэнд сэтгэл санаагаараа хохирох, үр хөндөлт хийлгэх, цаашлаад гэр бүл салах, үргүйдэх зэрэг маш олон асуудалтай тулгардаг. Эмч нар жирэмслэлтээс сэргийлэх хамгийн найдвартай алхам бол бэлгэвч хэрэглэх гэж зөвлөдөг ч байнгын бэлгэвчтэй бэлгийн харьцаанд орох нь тийм таатай санагддаггүй тул эмэгтэйчүүд дааврын эм уух, спирал болон суулгац суулгах, тариулах гэх зэрэг жирэмслэлтээс сэргийлэх аргуудыг  сонгодог. Эдгээрээс зарим нь эмэгтэй хүний биеийн онцлогоос шалтгаалж тохирдоггүй тул бид та бүхэндээ хүсээгүй жирэмслэлтээс сэргийлэх энгийн аргуудын талаар дэлгэрэнгүй танилцуулъя.

 

Сарын тэмдгийн хуанли хөтлөх

Сүүлийн үед техник технологи хөгжсөөр байгаа учраас сарын тэмдгийн хуанли хөтлөх нь тийм ч хэцүү биш болсон. Учир нь ухаалаг гар утасны аппликэйшн таны сарын тэмдгийн мөчлөг, жирэмслэх магадлалтай өдрүүд болон, дараагийн сарын тэмдэг ирэх хугацаа зэргийг нарийн тооцоолоод гаргачихдаг. Та жирэмсэн болох магадлал өндөртэй 7хоногт л найдвартай хамгаалаад байхад бусад үед санаа зовох зүйлгүй хэмээн мэргэжилтнүүд хэлжээ. Сарын тэмдэг хэдий чинээ тогтворгүй байна, төдий чинээ овуляцийн хугацааг тооцоход хэцүү бөгөөд эрсдэл өндөртэй гэсэн үг. Тиймээс хуанлийн арга хөтөлж байгаа үедээ болж өгвөл ядрахгүй, жингээ хасахгүй, нэмэхгүй, амьдралын хэв маягтаа өөрчлөлт оруулахгүй байсан нь дээр шүү.

-6 сарын турш өөрийнхөө сарын тэмдэг ирсэн өдрийг хуанлин дээр үнэнчээр тэмдэглээд, сарын тэмдгүүд чинь хоорондоо хэдэн хоногийн зайтай ирж байгааг тоол. Сарын тэмдэг ирсэн эхний өдрөөс дараагийн сарынх ирсэн өдөр хүртэлх хугацааг мөчлөг гэнэ. Энэ нь дунджаар 28 хоног байдаг.

– Тэгээд өнгөрсөн 6 сарын хугацаанд хамгийн олондоо хэд, хамгийн цөөндөө хэдэн хоногийн зайтай ирсэн байгааг анзаараарай. Энэ тоонууд бол чиний хамгийн урт болон богино мөчлөгийн хугацаа юм.

-Хамгийн богино мөчлөгийн хугацаанаасаа 18-ыг хас. Гарсан хариу нь чиний жирэмслэх магадлалтай өдрүүдийн эхлэл. Жишээ нь, чиний хамгийн богино мөчлөг 28 хоног байлаа гэж тооцъё. Тэгвэл мөчлөгийн 10 (28-18) дах өдрөөс чиний овуляц буюу өндгөн эс гадагшлах үйл явц эхлэх магадлалтай гэсэн үг.

Халуунаа хэмжиж байх

 

Биеийн халууныг хэмжих нь сарын тэмдэг нь тогтворгүй, хуанли хөтлөхөд тун барьцгүй байдаг бүсгүйчүүдэд тохиромжтой арга юм. Гэхдээ тогтмол цагт, сайн хэмжиж, тооцооллыг зөв гаргахгүй бол нэлээн ярвигтай арга учраас эрсдэл дагуулах магадлалтай гэдгийг санаарай.

Сарын тэмдгийнхээ эхний өдрөөс эхлэн өглөө бүр босохоосоо өмнө, тогтмол цагт халууны шилээр биеийнхээ халууныг хэмжиж тэмдэглэгээ хийнэ. Эмэгтэй хүний биеийн суурь халуун нь мөчлөгийн эхэн үед хэвийн явж байгаад овуляцаас яг өмнөхөн жаахан буурч, овуляцийн яг дараахан буюу өндгөн эс гадагшилсан үед нэмэгдээд тэр чигтээ өндөр хэвээрээ явсаар дараагийн сарын тэмдэг ирэхийн яг өмнөхөн буцаж буурдаг. Гэнэт буурахаас гэнэт өсөх үеийг оролцуулаад буюу овуляцийн өмнөхөн өдрүүдээс хойш 7 хоногийн хугацаанд хамгаалалтгүй бэлгийн хавьталд бүү ороорой.

“Цагаан юм”-аа шинжих

Эмэгтэй хүнээс ялгарч байдаг биеийн “цагаан юм”-ны бүтэц мөчлөгийн үеэс хамааран өөрчлөгдөж байдаг.  Өглөө болгон хуруугаараа үтрээнээс ялгарсан цайвар ялгадаснаас дээж авч шинжил. Цагаан юмныхаа дээжийг долоовор, эрхий хуруугаараа чимхээд буцааж салган бүтцийг нь ажиглана. Хэрвээ “цагаан” юм чинь тунгалаг, усархаг, сунамтгай, өндөгний цагаан шиг байвал овуляц явагдаж эхэлсэн байна гэсэн үг. Ялгадас гулгамтгай, тунгалаг болно. Энэ үед жирэмслэх магадлал хамгийн өндөр. Тиймээс 3-4 хоногийн турш бэлгийн хавьталд битгий ороорой.