Нохой жилд хамгийн засалтай их жилтэнүүд

Нохой жилд ямар жилтэй хүмүүс онцгойлон засал, ном хийлгэх вэ?
-Үхэр, хонь, луу болон бар жилтэй хүмүүс анхаарууштай. Тухайлбал үхэр жилтнүүдийн хувьд бага харш жил гарч байгаа. Тухайн жилтнүүд сүлд дорой, эв эеийг эрхэмлэвэл нэн сайн хэмээн зурхайд буусан байх жишээтэй. Харин бар жил нохойтой ивээл ч хийморь дорой, аливаа ажил үйлс саадтай байх тул засал хийлгэх хэрэгтэй.

Өөрөөр хэлбэл дүнсэр буюу гариг эрхсийн нөлөөлөл, харш жил таарч байгаа хүмүүс засал ном хийлгэх шаардлагатай гэсэн үг. Мөн хий, огторгуй, уул, мод суудалд суусан хүмүүс алив үйл хийхдээ болгоомжтой хандах хэрэгтэй. Тухайлбал уул суудалд суусан хүн гангар шаазан барьсан тул ан гөрөө хийх, нойтон мод огтлох, бохир идээ, хар малгай, хувцас авах, өмсөхийг цээрлэнэ.

-Шинийн 15-ны дотор засал номоо хийлгэх ёстой гэдэг. Энэ тухайд?

-Бэлгэ дэмбэрэлийг бодож, хүн бүр засал номоо хийлгэхийг зорьдог. Жил гарч байгаатай холбоотой хүн бүрийн төрсөн гариг, өдөр, жил сараар зурхайн зурлагууд өөр, өөрөөр гардаг.

Гарч байгаа жилийг дагаад хүний амьдрал, амь нас, эрүүл мэнд, эд агуурс, хийморь лундаа, ажил үйлс, нас буянд нөлөөлдөг нөлөөллүүд бий. Тиймээс сайн талаа бид арвижуулж, сөрөг талаа сайн сайхан байлгахын тухайд жилийн засал хийлгэдэг. Тухайн хүнээс өөрөөс нь их зүйл шалтгаалдаг учир бие сэтгэл, хэлээ амирлангуй байлгаж, алив шалтгааныг тунгааж, найрсаг сайхан аж төрөхийг хичээх хэрэгтэй. Аливаад уужуу тайван, хүлээцтэй, авах гээхийн ухааанаар хандаж, учир зүйгээ ололцсон харилцан ойлголцол, эв түнжин, эвийг хичээж явбал амар, амгалан аяндаа тогтоно.

-Шинийн нэгний өглөө мөрөө гаргах ёсонг тайлбарлавал?

-Монголчууд ”дөрвөн зүг найман зовхис” хэмээн хэлж заншсан дөрвөн зүг,дөрвөн зовхисын бэлгэдэл нь байгалийн шүтэлцээг танин мэдэх нэг арга юм. Энэ нь бөө мөргөлийн зан үйлээс,улбаатай бөгөөд 12 жил, 28 од лугаа хамтатгасан “бонд хорол” хэмээх зурагт дүрслэлийг бүтээн хэрэглэдэг. Найман зүг нь арга билгийн таван махбодын шүтэлцээгээр зохицуулагдах бөгөөд зан үйл нь бонбын шашнаас гаралтай.

Цагаан сарын шинийн нэгний өглөө хот айл, өрх гэрийн тэргүүн мөрөө гаргах зан үйлийг хийхдээ нар мандахын өмнө бүрэн хувцаслаж ,морь хөлөглөн цог хийморийнхоо зүгт гараад овоонд очиж, цагаан эсгий дэвсэн идээ будааг залж, нутаг орны газар,усны эзэд болон эзэн сүлдэд дээжийг өргөн мөргөж, буян хишгийн зүгээс ирдэг уламжлалтай. Энэ нь тухайн жилд нүүдэл суудал, арилжаа наймаа,ашиг олз, ан гөрөө хийх зэрэг элдэв үйлд хийморьтой байхыг бэлгэддэг юм.

Түүнчлэн мөрөө гаргахдаа тухайн жилд харгалзах махбодиос гэмтэхгүй хэмээн сэтгэж, суусан хөллийн дайсан болох махбодитай зүйлсийг хорлол, эсвэл тэнгэрийн зүг рүүгээ хаяж цээр хийх ёсон үйлддэг

нэмэлт мэдээлэл

Ирж буй 2018 он тайван, нөхөрсөг Шар Нохой жил. Ирж буй жилд бүх 12 жилтнүүд аз, амжилтаар дүүрэн байна. Эерэг чиг хандлага нь ажил мэргэжлийн өсөлт ба хувийн амьдралд нөлөөлснөөр энэ жил маш олон таатай үйл явдал мөн ажил дээрх хувь хүний ололт амжилтаар дүүрэн жил болно. 2018 оны зурхай Нохой жил нь хүчирхийлэгч, хоёр нүүртэн, залилагч нарыг шийтгэж тэднээс хол байхад туслахаар ирсэн. Дэлхий даяар байлдаж байгаа газруудад ч энх тайван, эв найрамдал бий болно гэж зурхайч нар үзэж байгаа ба нохой жил нь тайван, хянуур болгоомжтой жил болно. Хэлэлцээр, дайныг түр зогсоох зэрэг дипломат харилцаанд хамгийн тохиромжтой бөгөөд ирж буй жил нь таны хувийн амьдралд эерэг өөрчлөлтүүдийг ч мөн авчирна. Зүүний он тоололтой 2018 он нь өөдрөг үзэл, эерэг чиг хандлагаараа нийцэж байгаа ажээ. Нохой жилтнүүдийн хувьд хичээж чармайх л юм бол амжилттай жил байна.Та гадаад байдлаа өөрчлөхөөр шийдсэн үү? Мэргэжлээ өөрчлөх үү? Гэрлэхээр шийдсэн үү? Урагшаа! Хичээж бүх хүчээ дайчил. Болгоомжтой байгаарай!

Хулгана жилтнүүд мах их ажилтай байх нь. Энэ жил хэцүү байж болох ч та ажлын үр дүндээ сэтгэл хангалуун байж, аз жаргал дүүрэн байх болно. Хулгана жилтэнд мөрөөдлөө биелүүлэхэд нь тусална, хамгийн чухал нь – бүх хүчээ гаргах хэрэггүй.

Үхэр жилтнүүдийн хувьд 2018 он ашиг орлого эсвэл ажил мэргэжилд өсөлт дэвшил авчрахаар сюрприз бэлдсэн. 11 сард ганцаардмал үхрүүд хайртай хүнээ олох түлхүүрээ олох бөгөөд түүнтэйгээ маш бат бөх харилцаа үүсгэнэ.

Бар жилтнүүдийн хувьд ирж буй жил өөрийн оюун ухаан, хүч чадлаа мэдэхэд тань тусалж, таны авьяасыг нээн илрүүлнэ. Нохой жил танд туслах учраас шинээр ямар нэгэн зүйл туршихдаа бүү ай, мөрөөдлийнхөө зүг урагшаа!

Туулай жилтнүүд жилийн турш бүх зүйлд нэгдүгээрт байж ямар ч ажил хэрэгт ялахыг эрмэлзэнэ. Энэ бизнест хамгийн чухал нь хэтрүүлэх хэрэггүй, таны ажил үнэлэгдэнэ.

Луу жилтнүүд Нохой жилд шинэ найзуудтай болох ба бусдаас ашигтай зөвлөгөө авч тэднийг сонсох болно. Амар амгалан, сайхан сэтгэл таныг хүрээлнэ.

Могой жилтнүүдын хувьд энэ жил хувь хүний хөгжилд онцгой жил болно. Та өөрийн зан чанарын шинэ талуудыг нээн илрүүлж, таныг хөгжихөд саад учруулдаг сөрөг талуудаа олж мэдсэнээр илүү ухаалаг, илүү тэвчээртэй болох болно.

Морь жилтнүүдийг тайван, таатай жил хүлээж байна. Нэг асуудал гэвэл эрүүл мэнд бөгөөд Нохой жил таныг өвчний эмчилгээгээ хойшлуулж болохгүй, нэгдүгээрт тавь гэж сануулж байна шүү.

Хонь жилтнүүдийн хувьд ирж буй жил амжилттай байх нь. Өөртөө итгэлтэй байж сэтгэл хөдлөлөө бүрэн удирдах болно. Жилийн дунд үе танд хэд хэдэн онцгой уулзалтуудыг бэлдсэн байгаа.

Бичүүд байнга нэг газраа суудаггүй, өөрчлөлт ба адал явдлыг эрэлхийлж байдаг. Гэвч хувь тавилан танд зориулсан төлөвлөгөөг бэлдчихсэн. Энэ жилд таны уриа бол: “Сур сур. Бас дахин сур” учраас уулзалт, үдэшлэгүүд ард хоцрох нь.

Тахиа жилтнүүдийн их хичээл зүтгэлийн хариуд таны амьдралыг эрс өөрчлөх санаанд оромгүй бэлгийг энэ жил танд бэлдсэн. Та урьд хожид байгаагүй боломжуудыг олж авах учраас үүнийг битгий алдаарай!

Гахай жилтнүүдийг жаахан төвөгтэй жил хүлээж байна. Та тусламж, зөвлөгөө байнга хүсэх ба заримдаа үүнээс залхах хэдий ч Нохой жил танд амралтаа зохицуулж, бүх зүйлийг хяналтандаа байлгахыг санал болгож байна.

Ирж буй жил тогтуун, тайван жил болох бөгөөд гэр бүлтэйгээ ойр байж, бусдад хүлээцтэй хандаарай!